काठमाडौं । जनकपुर पिडारीचोकस्थित राष्ट्रिय बचत तथा ऋण सहकारी संस्थाले भ्वाइस म्यासेज सहितको क्युआर कोड भुक्तानी सेवा संचालनमा ल्याएको छ । फिनएक्स सफ्टवेयर तथा फोन पे र इसेवाको सहकार्यमा सुरु गरिएको यो सेवा धनुषा जिल्लाका सहकारीहरुमै पहिलो हो । यस सेवा अन्र्तगत क्युआरमार्फत भुक्तानी भएको जानकारी स्वरबाटै सुन्न सकिन्छ ।
संस्थाको क्युआर कोडमा भारतिय पर्यटकले पनि युपीआइ, फोनपे, भीम एपबाट भुक्तानी गर्न सक्नेछन् । यसबाट जनकपुर घुम्न आउने भारतियहरुलाई पनि सजिलो हुने र सदस्यहरुको व्यवसाय बढ्ने संस्थाका अध्यक्ष राम नगिना राउतले जानकारी दिए ।
संस्थाले विहिबार एक औपचारिक कार्यक्रम बीच भुक्तानी सेवा औपचारिक रुपमा सुरु गरेको छ । कार्यक्रममा राष्ट्रिय सहकारी बैंक मधेस प्रदेश प्रमुख विष्णु प्रसाद पराजुली, शाखा प्रवन्धक विनोद चुडाल, नेपाल बचत तथा ऋण केन्द्रीय सहकारी संघ (नेफ्स्कून) शाखा प्रमुख बज्रेश गुप्तालगायतले शुभकामना प्रदान गरेका थिए ।
संस्थाले यसअघिनै फिनएक्स सफ्टवेयरमार्फत एटीएम मोवाइल बैंकिङलगायतका सेवा सुरु गरिसकेको छ ।
लेखकको बारेमा
प्रतिक्रिया