काठमाडौं । नेपाल उद्योग वाणिज्य महासंघले स्याङजाको सुन्तला, कफी र पर्यटन प्रवर्धनसम्बन्धी कार्यक्रममा सहकार्यको प्रस्ताव गरेको छ । महासंघका अध्यक्ष चन्द्रप्रसाद ढकालले स्याङजा जिल्ला उद्योग बाणिज्य संघले आयोजना गरेको कार्यक्रममा बोल्दै सम्भाव्य योजना तथा कार्यक्रम बने सहकार्य गर्ने प्रतिबद्धता व्यक्त गरेका हुन् ।
कार्यक्रममा अध्यक्ष ढकालले १० अर्व रूपैयाँको लगानी कम्पनी स्थापना भएको र त्यसले काम सुरु गरिसकेको जानकारी गराउदै स्वदेशी लगानीबाट पनि सकारात्मक सन्देश प्रबाह गर्न सकिने बताए । ‘जिल्ला जिल्लाका व्यावसायी साथीहरु लगानीका लागि अबसर खोजिरहनु भएको छ त्यसलाई एकिकृत गर्ने हो भने पुजीको कुनै समस्या हुदैन’ अध्यक्ष ढकालले भने । यतिबेला बैकमा तरलता पर्याप्त रहेको व्याजदर निकै घटेकाले नेपालमा नै लगानीको अबसर छ भन्ने सन्देश प्रबाह गर्नुपर्ने उनको भनाइ थियो ।
अध्यक्ष ढकालले डेढ बर्षको अबधिमा लगानी प्रबद्र्धनका लागि देश भित्र र बाहिर आफुहरुले निरन्तर अभियान संञ्चालन गरेको जानकारी गराउदै आफुहरुकै पहलममा सरकारले लगानी मैत्री बातावरण बनाउन ८ वटा कानून शंशोधन गरेको जानकारी गराए । नीजि क्षेत्रले उठाउदै आएको मर्यादाक्रमको बिषय, कर सम्बन्धी समस्या लगायतका बिषयमा आफुहरु निरन्तर लागिरहेको उनको भनाइ थियो ।
प्रतिक्रिया