काठमाडौं । नेपाल बंगलादेश (एनबी) बैंकका लगानीकर्ताले ८० प्रतिशत हकप्रद सेयर पाउने भएका छन् । बैंकको साधारणसभाबाट पारित भएअनुसार बैंकले १०० बराबर ८० कित्ताको अनुपातमा सेयर जारी गर्न लागेको हो । जसअनुसार बैंकले ३ करोड २० लाख ९४ हजार कित्ता सेयर जारी हुनेछ ।
सेयरका लागि बैशाख ७ गतेदेखि आवेदन खुल्ला भई जेठ १० गते बन्द हुनेछ । सेयरको विक्री प्रवन्धक ग्लोबल आइएमइ क्यापिटल रहेको छ ।
लगानीकर्तालाई सेयरका लागि बिक्री प्रवन्धकको कार्यालयका साथै बैंकका सबै शाखाबाट आवेदन दिन सकिने व्यवस्था मिलाइएको छ ।
हाल ४ अर्व १ करोड १७ लाख पुँजी रहेको बैंकको हकप्रद बिक्रीपछि पुँजी ७ अर्व २२ करोड पुग्नेछ ।
लेखकको बारेमा
प्रतिक्रिया