काठमाडौं । नेपाल हाइड्रो डेभलपरको साधारण सेयर (आइपीओ) शुक्रबार बाँडफाँड भएको छ । गोलाप्रथाद्धारा बाँडफाँड गरिएको आईपीओमा कुल ३६ हजार २७० जना आवेदकले १० कित्ता सेयर प्राप्त गरेका छन् । कम्पनीले यही साउन २७ गतेदेखि साउन ३२ गतेसम्म सय रुपैयाँ अंकित मूल्यमा ३ करोड ९० लाख रुपैयाँ बराबरको ३ लाख ९० हजार कित्ता प्राथमिक सेयर निष्काशन गरेको थियो ।
एनएमबी क्यापिटल बिक्री प्रबन्धक रहेको यस कम्पनीको आईपीओमा एक लाख ७१ हजार ५९२ जनाको आवेदन स्वीकृत भएको थियो । जसमध्ये ६ हजार २७० जना आवेदकले १० कित्ता सेयर प्राप्त गरे ।
६ दशमलव ८ मेगावाटको तल्लो चर्नावती जलविद्युत् आयोजनाको निर्माण गर्न लागेको कम्पनीले यसअघि ३ दशमलव ५२ मेगावाटको चर्नावती जलविद्युत् आयोजना निर्माण गरिसकेको छ । यस कम्पनीलाई इक्रा नेपालले ग्रेड ४ रेटिङ प्रदान गरेको छ ।
यसले कम्पनीको आधारभूत पक्ष औसत रहेको देखिन्छ । यसअघि सञ्चालनमा रहेको पहिलो आयोजनाको आधारमा यस्तो रेटिङ प्रदान गरिएको हो ।
लेखकको बारेमा
प्रतिक्रिया