काठमाडौं । सेयर बजार परिसूचक (नेप्से) परिसुचक बुधबार ३.८९ अंकले ओरालो लागेको छ । कारोबार सुरुलगत्तै बढ्न सुरु गरेको बजार बिचमा उतारचढाव हुदै अन्यत्मा १५३९. ८१ अंकमा थामिएको छ ।
बुधबार कारोबार भएका अधिकांस समुहको परिसुचक ओरालो लाग्दा समग्र सेयर बजारमा नकारात्मक प्रभाव परेको हो । यसदिन सबैभन्दा बढी बिमा समूह २१.१२ अंकले घटेको छ । यसैगरी होटल ७.४९, विकास बैंक ६.८४, बैंकिङ ५.७२ र जलविद्युत समुह ४ अंकले घट्यो ।
यसैगरी ट्रेडिङ समूह २२.८, अन्य ६.३६ र फाइनान्स समुह १.१५ अंकले बढ्यो ।
बुधबार १५८ कम्पनीका १० लाख कित्ता सेयरबाट ५४ करोड २४ लाख रुपैयाँ बराबरको कारोबार भएको नेप्सेले जनाएको छ ।
लेखकको बारेमा
प्रतिक्रिया