काठमाडौं । नेपाल सुनचाँदी रत्न तथा आभुषण महासंघको आयोजनामा काठमाडौंमा ‘स्विफ्ट ज्वेलरी डिजाईन’ तालिम सुरु भएको छ । नेपाली कालिगढलाई अन्तर्राष्ट्रिय स्तरका गरगहना बनाउन सक्षम बनाउने उद्देश्यले जेमोलोजिकल इन्स्टिच्यूट अफ अमेरिकाको सहकार्यमा तालिम सुरु गरिएको हो ।
साउन ५ गतेदेखि ९ गतेसम्म संचालन हुने तालिममा भारतकाका प्रख्यात ज्वेलरी डिजाईनर पल्लवी फोली प्रशिक्षक रहेका छन् ।
तालिमबाट नेपाली गरगहना व्यवसायीहरुलाई गुणस्तरयुक्त नयाँ डिजाइनको गरगहना उत्पादन गर्न सहयोग पुग्ने महासंघका अध्यक्ष रमेश मर्हजनले बताए । यसबाट नेपाली गरगहना विदेश निर्यातका लागि समेत सहज हुने उनको भनाई छ ।
महासंघले जेमोलोजिकल इन्स्टिच्यूट अफ अमेरिकाको सहकार्यमा ज्वेलरीसम्बन्धी विभिन्न तालिमहरु संचालन गर्दै आएको छ ।
लेखकको बारेमा
प्रतिक्रिया