काठमाडौं। ग्लोबल आईएमई बैंकले आर्थिक बर्ष २०७०\७१मा एक अर्ब ७४ लाख रुपैयाँ खुद नाफा कमाएको छ । गत वर्षमा बैंकले ४४ करोड ९२ लाख रुपैयाँ नाफा कमाएको थियो।

बैंकले खुद व्याज आम्दानी करिब ३८ करोड रुपैयाँ बढाएको छ।  बैंकको रिजर्भमा दुई अर्ब २१ करोड रुपैयाँ छ। गत बर्ष ग्लोबल आईएमई र कमर्ज एण्ड ट्रष्ट बैंक मर्ज भएका थिए। मर्जपछि यो बैंकको चुक्तापूँजी चार अर्ब १० करोड पुगेको छ। बैंकको खराव कर्जाको मात्रा २.३७ प्रतिशत छ।

बैंकको निक्षेप र कर्जा लगानीमा बृद्धि भएको छ। बैंकमा असार मसान्तसम्म ५२ अर्ब २९ करोड निक्षेप छ भने ४३ अर्ब रुपैयाँ कर्जा लगानी भएको छ।

लेखकको बारेमा

अर्थटुडे