काठमाडौं । विमान बंगलादेशको वीजी ७०२ को विमान त्रिभुवन अन्तराष्ट्रिय विमानस्थलमा अवतरण गर्ने क्रममा आगलागी भएको छ । सो विमानको अवतरण गर्ने क्रममा पछाडीको दायाँ पाङग्रामा आगलागी भएको हो ।
बंगलादेशबाट काठमाडौ आएको एअरवस ३३० विमानको दायाँ पाङग्रामा आगलागी हुदा तत्काल अग्नि नियन्त्रकले आगो निभाउन सफल भएपछि ठूलो घटना भने हुन पाएन ।
विमानमा आगो देखिएपछि सवै यात्रुहरुलाई सकुशल उद्धार गरेको त्रिभुवन अन्तराष्ट्रिय विमानस्थलले जनाएको छ । अवरणका क्रममा फोर्स बढी भएका कारण पाङग्रामा आगो लागेको बताइएको छ ।
विमानको चक्कामा आगो लागेपछि अपरान्ह ३.१० को उडान स्थगित गरिएको छ भने मंगलबार विमान बंगलादेशको प्राविधिक टोली आएर अध्ययन गरेपछि मात्र विमानले उडानबारे निष्कर्षमा पुगिने जनाइएको छ ।
लेखकको बारेमा
प्रतिक्रिया