काठमाडौं । भारतका प्रधानमन्त्री नरेन्द्र दामोदरदास मोदी नेपाल आइपुगेका छन् । दक्षिण एशियाको शक्तिशाली मुलुक भारतका प्रधानमन्त्री मोदी दुई दिने नेपाल भ्रमणका क्रममा जम्बो टोलीका साथ नेपाल आएका हुन् । मोदी विश्वमा नै चौथो शक्तिशाली देशको प्रधानमन्त्री मानिन्छ ।
मोदी विशेष विमानमार्फत इन्दिरा गान्धी अन्तर्राष्ट्रिय विमानस्थलबाट आइतबार विहान साढे ९ बजे नेपालका लागि उडेको बताइएको छ ।
इन्दिरा गान्धी विमानस्थलमा भारतका लागि नेपाली कार्यबाहक राजदुत खगराज अधिकारीले विदाइ गरेका थिए ।
विमानस्थलमा विशेष विमान लिएर आइपुगेका मोदीको प्रधानमन्त्री सुशील कोइराला लगायतका विशिष्ट व्यक्तिहरुले स्वागत गरेका थिए भने नेपाली सेनाले १ तोपको सलामी समेत दिएका थिए ।
लेखकको बारेमा
प्रतिक्रिया