काठमाडौ । ‘आइएमई पे’ ले अवैध अनलाइन जुवा साइटहरुमा आफ्नो नाम जोडिएपछि आफ्नो गम्भीर ध्यानकार्षण भएको जनाएको छ । गैरकानूनी क्रिप्टोकरेन्सीहरुको कारोबार, प्रयोग र माइनिङ तथा वान एक्स बेट जस्ता अनलाईनमा आइएमई पेको नाम जोडिएको थियो । आइएमई पे ले एक विज्ञप्ति जारी गरी क्रिप्टोकरेन्सीदेखि अनलाइन जुवालगायत अवैधानिक गतिविधि गर्ने काममा आफ्नो कुनै संलग्नता वा सहकार्य नरहेको स्पष्ट जनाएको छ ।

गैरकानूनी गतिविधिमाथि थप कडाइ साथ अनुगमन तथा निरीक्षण गरी आवश्यक कानूनी प्रक्रिया अघि बढाउने समेत आइएई पेले सार्वजनिक सुचना मार्फत जानकारी दिएको छ । सो घटनाबारे आइएमई पेले राष्ट्र बैंकलाई समेत जानकारी गराइसकेको कम्पनीले जनाएको छ ।

लेखकको बारेमा

अर्थटुडे