काठमाडौ । नेपाल राष्ट्र बैंकले हिमालयन बैंकलाई सिभिल बैंकलाई प्राप्ति (एक्विजिसन) गर्न अन्तिम स्वीकृति दिएको छ । राष्ट्र बैंक सञ्चालक समितिको बैठकले हिमालयन र सिभिल बैंकबीचको प्राप्ति प्रक्रियालाई अन्तिम स्वीकृति दिने निर्णय गरेको हो ।
सो निर्णयसँगै अव हिमालयन बैंकले सिभिल बैंकलाई प्राप्ति गर्नेछ । हिमालयन बैंकलाई सिभिल बैंकलाई प्राप्तिको लागि अन्तिम स्वीकृति दिने निर्णय भएपनि आजसम्म (सोमबारसम्म) हिमालयन बैंकले पत्र भने पाएको छैन । हिमालयन बैंकले सिभिललाई १००ः ८०.२८ सेयर स्वाप रेसियोमा प्राप्ति गर्न लागेको हो ।
प्राप्ति प्रक्रिया पूरा भए पश्चात बन्ने नयाँ बैंक हिमालयन बैंककै नामबाट सञ्चालनमा आउने छ । सिभिल बैंकलाई प्राप्ति गरे पश्चात बैंकको चुक्ता पुँजी २१ अर्ब ६५ करोड रुपैयाँ र शाखा सञ्जाल १ सय ८९ पुग्नेछ । यी बैंकले गत असारमा प्राप्ति प्रक्रियाका लागि समझदारी पत्रमा हस्ताक्षर गरेका थिए ।
लेखकको बारेमा
प्रतिक्रिया