काठमाडाै । गत आर्थिक वर्षमा विदेशमा बस्ने नेपालीहरुले रेमिट्यान्समार्फत १२ खर्ब २० अर्ब रेमिट्यान्स भित्रिएको छ । अघिल्लो आर्थिक वर्षमा ४.८ प्रतिशतले रेमिट्यान्स बृद्धि भएकोमा गत आर्थिक वर्ष २०७९/८० मा विप्रेषण आप्रवाह २१.२ प्रतिशतले वृद्धि भएको हो ।
यसैगरी गत आर्थिक वर्षमा अमेरिकी डलरमा विप्रेषण आप्रवाह १२.१ प्रतिशतले वृद्धि भई ९ अर्ब ३३ करोड पुगेको छ । अघिल्लो वर्ष यस्तो आप्रवाह २.२ प्रतिशतले बढेको थियो ।
कोभिड–१९ को महामारी कम भएसँगै बैदेशिक रोजगारीमा जाने नेपालीहरुको संख्या बृद्धिले रेमिट्यान्समा सकारात्मक असर गरेको हो ।
गत आवमा वैदेशिक रोजगारीका लागि अन्तिम श्रम स्वीकृति लिने नेपालीको संख्या ४०.३ प्रतिशतले वृद्धि भई ४ लाख ९७ हजार ७०४ पुगेको छ । अघिल्लो वर्ष पनि बैदेशिक रोजगारीमा जानेको संख्या ३९२ प्रतिशतले बढेको थियो ।
यसैगरी रोजगारीका लागि पुनः श्रम स्वीकृति लिने नेपालीको संख्या समीक्षा वर्षमा १.८ प्रतिशतले कमी आई २ लाख ७७ हजार २७२ पुगेको छ । अघिल्लो वर्ष यस्तो संख्या १९८.५ प्रतिशतले बढेको थियो ।
लेखकको बारेमा
प्रतिक्रिया