काठमाडौं । अर्थमन्त्री डा.रामशरण महतले मेलम्ची खानेपानी आयोजनामा चिनियाँ बैंकले नेपालका बैंकलाई दिनुपर्ने भुक्तानी छिट्टै दिन आग्रह गरेका छन् ।
चिनको बाणिज्य मन्त्री गाओ होचेङलाई बेइजिङमा शुक्रबार भेट गरी उनले चिनियाँ एक्जीम बैंकले नेपालको हिमालयन बैंक र बैंक अफ काठमाडौलाई भुक्तानी निदएकोले एक्जीम बैंकलाई दवाव स्वरुप कुनटीतिक पहलका लागि आग्रह गरेका हुन् ।
मेलम्ची खानेपानी आयोजनाको काउन्टर ग्यारेन्टी बापत हिमालयन बैंक र बैंक अफ काठमाडौले डेढ अर्व रुपैयाँ मेलम्ची खानेपानीलाई दिएका थिए । चीनको एक्जीम बैंकले ति बाणिज्य बैंकहरुलाई डेढ अर्व रुपैयाँ काउन्टर ग्यारेन्टी वापत रकम दिनुपर्नेमा अझै सो रकम उपलव्ध गराएको छैन ।
सोही अवसरमा अर्थमन्त्री डा महतले पश्चिम सेती जलबिद्युत आयोजनामा भएको सुस्त कार्यप्रगति पनि कुटनीतिक हस्तक्षेपको जरुरी रहेको बताए ।
हाल नेपाल र चीनबीच करिब ६५ अर्ब रुपैयाँ बराबरको व्यापारघाटा रहेको छ ।
यस्तो व्यापारघाटा चुनौतीपूर्ण रुपमा रहेको उल्लेख गर्दै अर्थमन्त्री डा महतले नेपाली बस्तुहरुको सहुलियतपूर्ण र सहजतापूर्ण पहुँचको लागि पनि चीनका वाणिज्यमन्त्रीसँग आग्रह समेत गरेका थिए ।
लेखकको बारेमा
प्रतिक्रिया