काठमाडौं । न्युरोडमा अत्याधुनिक सुविधासहितको व्यावसायिक मल ‘रञ्जना ट्रेड सेन्टर’ आइतबारदेखि सञ्चालनमा आएको छ । ३७० वटा व्यापारिक पसलहरु एउटै भवनभित्र उपलब्ध हुने गरी ट्रेड सेन्टर सञ्चालनमा ल्याइएको हो ।
फेन्सी तथा रेडिमेड, जुत्ता, ब्याग, गरगहनालगायतको होलसेल पसल फुट कोर्ट, सिनेमा हल समेत सो सेटरमा रहेको छ । पार्किङको पर्याप्त सुविधा भएको सो सेन्टरमा सिसि क्यामेरा,अग्नी नियन्त्रण प्रणाली समेत रहेको बताइएको छ ।

सटर खोल्न रिमोट र कोड अनिवार्य पर्ने भएकाले सो सेन्टर पूर्ण सुरक्षित रहेको सेन्टरका अध्यक्ष कालु गुरुङले बताए । उनका अनुसार ट्रेड सेन्टरका व्यवसायीका लागि छुट्टै गोदाम घरको समेत व्यवस्था गरिएको छ । गोदामको बिमासमेत गरिएकाले पनि सुरक्षित र भरपर्दो भएको उनको दाबी छ ।

सो ट्रेड सेन्टरको आइतबार वरिष्ठ संस्कृतिविद् एवं साहित्यकार सत्यमोहन जोशीले एक समारोहबीच उद्घाटन गरे । उद्घाटनका क्रममा उनले उपयुक्त स्थान र सुविधासम्पन्न भएकाले ट्रेड सेन्टर सबैको रोजाइमा पर्ने बताए ।

लेखकको बारेमा

अर्थटुडे