काठमाडौं । सरकारले सहकारीसम्बन्धी संसदीय विशेष छानबिन समितिको प्रतिवेदन कार्यान्वयन गर्ने निर्णय गरेको छ । बुधबार बसेको मन्त्रीपरिषद्को बैठकले प्रतिवेदन कार्यान्वयन गर्ने निर्णयसँगै सम्बन्धीत मन्त्रालयमा समेत पठाएको छ ।
मन्त्रीपरिषद्को बैठकमा प्रधानमन्त्री केपी शर्मा ओलीले प्रतिवेदन सिधै मन्त्रालयमा पठाउने र सम्बन्धीत मन्त्रालयले नै आवश्यक कारबाही गर्ने बताएका बैठकमा सहभागी एक मन्त्रीले जानकारी दिएका छन् ।
सहकारी छानबिन समितिले सोमबार संसदमा आफ्नो प्रतिवेदन पेश गरेको थियो, जसलाई सभामुखले आवश्यक कारबाहीका लागि सरकारसमक्ष पठाउन निर्देशन दिएका थिए ।
सोही अनुसार मन्त्रीपरिषद्को बैठकले सम्बन्धीत मन्त्रालयलाई आवश्यक कारबाही गर्नका लागि निर्देशन दिएको हो ।
संसदीय विशेष समितिले सूर्य दर्शन, सुप्रिम लगायतका सहकारीको रकम गोर्खा मिडियामा अपचालन भएको निष्कर्षसहित जीबी राई, कुमार रम्तेलर, रवी लामिछाने र छविलाल जोशीलाई कारबाही गर्न सिफारिस गरेको छ ।
लेखकको बारेमा
प्रतिक्रिया