चार महिनामा वैदेशिक रोजगारीका लागि अन्तिम श्रम स्वीकृति (संस्थागत तथा व्यक्तिगत–नयाँ) लिने नेपालीको संख्या १ लाख ४७ हजार ४७८ र पुनः श्रम स्वीकृति लिनेको संख्या ९४ हजार १०५ रहेको छ । अघिल्लो वर्षको सोही अवधिमा यस्तो संख्या क्रमशः १ लाख ३७ हजार ४७५ र ६८ हजार ८४१ रहेको थियो ।

त्यसैगररी चालु खाता एवम शोधनान्तर स्थिति १ खर्ब ४३ अर्ब ४२ करोडले बचतमा रहेको छ । अघिल्लो वर्षको सोही अवधिमा चालु खाता ९७ अर्ब १० करोड रुपैयाँले बचतमा रहेको थियो ।
कात्तिक महिनासम्ममा नेपालमा ५ अर्ब ७६ करोड प्रत्यक्ष वैदेशिक (ईक्विटि मात्र) लगानी भित्रिएको छ । अघिल्लो वर्षको सोही अवधिमा यस्तो प्रत्यक्ष वैदेशिक (ईक्विटि मात्र) लगानी आप्रवाह ३ अर्ब ६५ करोड रुपैयाँ रहेको थियो ।

त्यसैगरी शोधनान्तर स्थिति पनि कात्तिक सम्ममा २ खर्ब ५ अर्ब ८३ करोडले बचतमा रहेको छ । अघिल्लो वर्षको सोही अवधिमा यस्तो बचत १ खर्ब ५० अर्ब २४ करोडले बचतमा थियो ।
त्यस्तै चालु आर्थिक बर्षको चार महिनामा नेपालसँग २२ खर्ब ५५ अर्ब ३५ करोड रुपैयाँ बैदेशिक विनिमय संचिति रहेको छ । जसले १८ महिनाको बस्तु आयात र १५.१ महिनाको बस्तु तथा सेवा आयात गर्न पुग्छ ।

२०८१ असार मसान्तमा नेपालसँग २० खर्ब ४१ अर्ब १० करोड रुपैयाँ बराबर रहेको कुल विदेशी विनिमय सञ्चिति रहेको थियो ।