काठमाडौं । सहकारी तथा गरिबी निवारण मन्त्रालयका सचिव सुरेशमान श्रेष्ठले सहकारीमा सुधार नभए गम्भिर दुघर्टना निम्तिने चेतावनी दिएका छन् । 
विहिबार सहकारी विभागको वार्षिक समिक्षा गोष्ठीमा बोल्दै उनले कानुन संसोधन गरी सहकारी व्यवस्थित गर्न मन्त्रालय लागिरहेको जानकारी दिए । कानुन नरम हुँदा सहकारी छाडा भएको उनको भनाई थियो ।
बचत तथा ऋण सहकारीमा अन्य सहकारीको भन्दा केही बढी समस्यारहेको बताउँदै सचिव श्रेष्ठले अब बन्ने कानुनबाट सहकारीको समस्या समाधान गर्ने बताए । गौरीबहादुर कार्कीको अध्यक्षतामा बनेको आयोगले समस्याग्रस्त घोषणा गरेका १ सय ३० वटा संस्थाको समस्या समाधान गर्न सहकारी ऐन संशोधन गर्न लागिएको उनले जानकारी दिए ।
सहकारी ऐन २०४८ मा धेरै समस्या छन््, सुधार गर्न आवश्यक छ’ उनले भने समस्याग्रस्त सहकारीको समस्या सामाधान गर्नका लागि ऐन संशोधन गरेर अधिकार सम्पन्न व्यवस्थापन आयोग गठन गर्न लागिएको बताए ।
सहकारी विभागका रजिष्ट्रार बिष्णुहरि पौडेलले सहकारीको विकासका लागि कनै कसर बाँकी नराख्ने प्रतिवद्धता व्यक्त गरे । ‘सहकारीको विकासका लागि मेरो ध्यान जानेछ, त्यसका लागि म सहकार्य गर्न तयार छु’ उनले भने ।
राष्ट्रिय सहकारी संघका अध्यक्ष केशव बडालले सहकारीको विकासका लागि राज्यले ध्यान दिन नसकेको आरोप लगाए ।
लेखकको बारेमा
प्रतिक्रिया