काठमाडौं । सर्वोच्च अदालतले ओरेन्टल सहकारीका अध्यक्ष तथा घरजग्गा व्यवसायी सुधिर बस्नेतलाई पक्राउ गर्न आदेश दिएको छ । जिल्ला र पुनरावेदन अदालतले धरौटीमा छोड्ने फैसल्ला विरुद्ध सरकारले गरेको पुनरावेदनको फैसल्ला गर्दै सर्वोच्चले पुर्पक्षका लागि थुनामा राख्ने आदेश दिएको छ । बस्नेतलाई सहकारीमार्फत सर्वसाधारणको ४ अर्व रुपैयाँ निक्षेप संकलन गरी ठगी 
गरेकोलगायतका आरोप छन् ।
शुक्रबार सर्वोच्चका न्यायाधिस गिरिशचन्द्रलाल र देवेन्द्र गोपालको संयुक्त इजलासले बस्नेतलाई पक्राउ गरी थुनामा राख्न आदेश दिएको हो ।
यसअघि पक्राउ परेका बस्नेतलाई जिल्ला अदालत काठमाडौंले ४ लाख रुपैयाँ धरौटीमा रिहा गरेको थियो । उक्त फैसल्ला विरुद्ध सरकारले गरेको पुनरावेदनलाई पुनरावेदन अदालतले समेत जिल्ला अदालतकै निर्णय सदर गरेको थियो ।
जिल्ला र पुनरावेदनको निर्णय सच्याउन माँग गर्दै सरकारले सर्वोच्चमा मुद्दा दायर गरेको थियो ।
लेखकको बारेमा
प्रतिक्रिया