काठमाडौं । विभिन्न मागहरु राख्दै बैंक तथा वित्तिय संस्थाहरुको नियामक निकाय नेपाल राष्ट्र बैंकमा कर्मचारीहरुले आन्दोलन गरेका छन् । सोमबार नेपाल वित्तिय कर्मचारी संघले गभर्नर, डेपुटी गभर्नर लगायतका उच्च पदस्थ कर्मचारीहरुलाई घेराबन्दी गरेका थिए ।

उनीहरुले विहान १० देखि ११ बजेसम्म घेराबन्दी गरेभने १२ बजेसम्म गभर्नरको कार्यकक्षमा धर्ना दिएका थिए । भदौ १३ गतेदेखि सुरु गरेको आन्दोलन यही २० गतेसम्म दैनिक एक घण्टा चल्ने छ । सो आन्दोलन अन्तर्गत दैनिक एक घण धर्नाको कार्यक्रम रहेको छ ।
यदी आफ्नो मागहरुको सुनुवाइ नभए अर्को चरणको आन्दोलन गर्ने संघले जनाएको छ । अघल्लो वर्षको चैतमा नै कर्मचारी विनियमावली संशोधन गर्ने भनिएकोमा नभएको संघले बताएको छ ।
कर्मचारीको बढुवा, सरुवा, तालिम भ्रमण लगायतमा असमझदारी देखिएपछि विनियमावली संशोधनको कुरा उठेको थियो ।

कर्मचारीहरुले काम गर्न सक्ने भौतिक पुर्वाधारहरु शाखा कार्यालयमा नभएको, तालिममा नातेदारलाई पठाउने गरिएको लगायतका आरोप संघले लगाएको छ । विनीयमावली संशोधनको लागि बैठक बस्ने र भक्ता पचाउने काम मात्र भएको भन्दै उनीहरुले विनियमावली संशोधन तत्काल हुनु पर्ने माग राखेका छन । गभर्नर डा।युवराज खतिवडाले यस बिषयलाई चाँडै टुंगो लगाउने बताउएको संघले जानकारी दिएको छ ।

लेखकको बारेमा

अर्थटुडे