काठमाडौं । पर्यटन सूचना केन्द्र, कीर्तिपुरले पर्यटकीय विषयमा अध्ययन गर्ने स्थलका रुपमा पर्यटन पुस्तकालय स्थापना गर्ने तयारी गरेको छ । कीर्तिपुर क्षेत्रको अवलोकन गर्न आउने स्वदेशी तथा विदेशी पर्यटकलाई उक्त क्षेत्रका पर्यटकीय स्थलबारे जानकारी गराउन केन्द्रले कीर्तिपुर नगरपालिका वडा नं ३ चिठु विहारमा पुस्तकालय स्थापना गर्ने तयारी गरेको हो ।
पर्यटन पुस्तकालयको आवश्यकता महसुस गरी पुस्तकालय स्थापनाको योजनामा लागेको केन्द्रलाई त्रिवि केन्द्रीय पुस्तकालयले पर्यटनलगायतका विषयमा आधारित विभिन्न ६५ वटा पुस्तक गत भदौ १३ गते पुस्तकालय दिवसका अवसरमा हस्तान्तरण गरिसकेको केन्द्रका सचिव वीरेन्द्र शाक्यले जानकारी दिए ।
उनका अनुसार पुस्तकालका लागि दक्षिण एसियाली अध्ययन केन्द्र त्रिवि कीर्तिपुरले पर्यटन र यससँग सम्बन्धित १०० थान पुस्तक उपलब्ध गराइसकेको छ । पर्यटन तथा यस विषयमा जानकारी राख्न चाहने पाठकलाई लक्ष्यित गरी पुस्तकालय स्थापनाको योजना अघि सारिएको जानकारी गराउँदै शाक्यले चाँडै नै पुस्तकालय सञ्चालनमा आउने बताए ।
लेखकको बारेमा
प्रतिक्रिया