काठमाडौं। सर्वसाधारणले असोज १ गतेबाट राष्ट्र बैंकको कार्यालयहरुबाट नयाँ नोट सटही सुविधा पाउने भएका हुन् । राष्ट्र बैंकले काठमाडौंस्थित आफ्नो बैंकिङ कार्यालयका साथै क्षेत्रीय कार्यालयहरुबाट नयाँ नोट सटही गर्ने व्यवस्था मिलाएको छ । 
असोज १ गतेदेखि नयाँ नोट सटही सुविधा राष्ट्र बैंकले उपलव्ध गराउने भएपनि बैंक तथा वित्तिय संस्थाहरुका लागि भने केही दिन पछि मात्र नयाँ नोट उपलव्ध गराईने राष्ट्र बैंकका प्रबक्ता मनमोहनकुमार श्रेष्ठले बताए ।
राष्ट्र बैंकले सर्वसाधारणलाई पाँच, १० र २० का नोटहरु दुई बन्डलका दरले र ५० र १०० रुपैयाँ दरका नोट एक बन्डलका दरले वितरण गर्ने छ । बैंकहरुलाई पनि यही अनुपातमा आकार र क्षमता अनुसार नोट उपलब्ध गराउने छ ।
लेखकको बारेमा
प्रतिक्रिया