अमेरिकी बहुराष्ट्रिय प्रविधि कम्पनी ‘एप्पल इङ्क’ले केही दिनअघि मात्र सार्वजनिक गरेको नयाँ आईफोन ‘एप्पल सिक्स’को पहिलो दिनको अर्डर ४० करोड थान नाघेको छ । आईफोन सिक्सको मागको यो आकार २ वर्षअघिको आईफोन ५ को मागभन्दा दोब्बर रहेको कम्पनीले बताएको छ । उपभोक्ताले अर्डर गरिएको आईफोन सिक्स अर्को महीना मात्र प्राप्त गर्नेछन् ।

अर्डर गरिएका आईफोनको डेलिभरी आगामी शुक्रवारबाट शुरू गर्ने र यो क्रम अक्टोबरभरि चल्ने बताइन्छ । एप्पलका नयाँ आईफोनमा ठूलो स्क्रिन र लामो समयसम्म चल्ने ब्याट्री रहेको छ । पहिलो दिनको अर्डरलाई उद्धृत गर्दै यो हप्ता १ करोड थान आईफोन बिक्ने विश्लेषकहरूले अनुमान गरेका छन् । सन् २०१२ मा विक्री शुरू गरिएको आईफोन ५ ले २४ घण्टामा २० लाख थान अर्डर पाएको तथ्याङ्क छ । त्यस्तै पहिलो हप्तामा यो फोन ५० लाख थान बिकेको कम्पनीको भनाइ छ ।

गतवर्ष बजारमा आएका आईफोन ५ एसएस र ५सीएस पनि ३ दिनमा ९० करोड थान बिकेको तथ्याङ्क छ । पहिलो हप्तामा ९० करोड थान आईफोन सिक्स र आईफोन सिक्स प्लसको विक्री हुने विश्लेषकहरूले अनुमान लगाएका छन् ।

लेखकको बारेमा

अर्थटुडे