काठमाडौ । कलर्स मोबाइलका दुई नयाँ मोडलका मोबाइल सेट नेपाली बजारमा भित्रिएको छ । नेपालका लागि कलर्सको आधिकारिक बिक्रेता टेलिटक प्रालिले एक्स२१ र एक्स२६ वेभ नामका दुई मोबाइल बजारमा ल्याएको हो ।
एन्ड्रोइडको ४.४ किटक्याट अपरेटिङ सिस्टममा चल्ने यी दुवै स्मार्ट फोनमा एकै पटक दुई वटा सिम प्रयोग गर्न सकिन्छ । एक्स २६ वेभमा ४ इन्चको एलसीडी स्क्रिन रहेको छ ।

यसमा २ मेगापिक्सलको रियर (पछाडिको) र शून्य दशमलव ३ मेगापिक्सलको फ्रन्ट (अगाडिको) क्यामेरा रहेका छन् । २ सय ५६ एमबीको ¥्यामसमेत रहेको यस मोबाइलको मूल्य ६ हजार ४ सय ९५ रुपियाँ तोकिएको छ ।
त्यस्तै एक्स २१ वेभ मोबाइलमा ३ मेगापिक्सलको रियर र शून्य दशमलव ३ मेगा पिक्सलको फ्रन्ट क्यामेरा रहेको छ । २ जीबीको मेमोरी तथा २ सय ५६ एमबीको ¥याम रहेको यस मोबाइलको मूल्य ५ हजार ७ सय ९५ रुपियाँ तोकिएको छ ।

लेखकको बारेमा

अर्थटुडे