काठमाडौं । नेपाल एयरलाइन्सको जहाज दुर्घटनाबाट जोगिएको छ । विमानको इन्जिनमा खरावी भएपछि सोलुखुव्बुको फाप्लुमा विमान अकस्मात ग्राउन्डेड भएको थियो । ५ जना सभासद सहित १५ जना यात्रु बोकेर काठमाडौं आउँदै गरेको विमान उडान भर्नका लागि धावन मार्गमा गुड्दै गर्दा दायाँ तर्फको पंखा नघुमेपछि जहाज ग्राउन्डेड भएको थियो ।
बिमानमा संविधान सभा निर्वाचन अध्ययन अनुसन्धान तथा सुझाव सम्बन्धि संसदीय विशेष समितिका संयोजक लक्ष्मणलाल कर्ण, सदस्यहरु रामनारायण बिडारी, भानुभक्त ढकाल, कमलप्रसाद पंगेनी, रेखा शर्मालगायत संसद सचिवालयका कर्मचारीहरु रहेका थिए ।
उनीहरु दोस्रो संविधानसभा निर्वाचनमा भएको भनिएको धाँधली अध्ययनको लागि सोलुखुम्बु पुगेका थिए । सभासदहरुको टोली आइतबार विहान ८ बजे काठमाडौं फर्किने कार्यक्रम थियो ।
बिग्रिएको कल साईन नाईन एन ए बी यु जहाज मर्मतका लागि नेपाल एयरलायन्स काठमाण्डौबाट ईन्जिनियर सहितको टोलि फाप्लु बिमानस्थलमा झिकाइएको छ ।
लेखकको बारेमा
प्रतिक्रिया