चितवन । प्रभु मनी ट्रान्सफरले आफ्ना एजेन्टहरुलाई सुरक्षित रेमिट्यान्स भित्र्याउने तालिम दिएको छ । सुरक्षित तवरबाट रेमिट्यान्स भित्र्याउ भन्ने नाराका साथ भएको तालिममा सिमा क्षेत्रमा हुने चोरी, डकैती तथा रेमिटन्सको माध्यमबाट हुने सम्पती शुद्धिकरणका मुद्धाबारे जानकारी दिइएको थियो ।

तालिममा प्रभु मनी ट्रान्स्फरका तर्फबाट कम्प्लायन्स अफिसर श्याम राज गौतम, नारायणी अञ्चल इन्चार्ज भिम कार्की र प्रभु म्यानेजमेन्टका बजार व्यवस्थापक रोसन रखाल र प्राबिधिक बिष्णु घिमिरेले विदेश बाट सुरिक्षित तवरले प्रभु मनी ट्रान्सफर मार्फत पैसा पठाउने र पाउन सकिने तथा सम्पति सुद्धिकरण ऐन २०६४ ले व्यबस्था गरे अनुसार सहकारी, रेमिट्यान्स कम्पनी तथा रेमिट्यान्स सदस्य संचालक (एजेन्ट) हरु को काम, कर्तव्य र दायित्वबारे सहभागीहरुलाई जानकारी दिएका थिए ।

बुटवल, चितवन र सिमरामा संचालन गरिएको उक्त कार्यक्रममा रुपन्देही, पाल्पा, कपिलवस्तु, अर्घाखाँची, नवलपरासी, चितवन, मकवानपुर, बारा र पर्साका प्रतिनिधी उपस्थित भएका थिए । उपस्थित सदस्य हरुले कार्यक्रम नौलो र ज्ञानवर्दक भएको जानकारी गराएका थिए ।

लेखकको बारेमा

अर्थटुडे