काठमाडौ। नेपाल राष्ट्र बैंकले चाँदीको सिक्का निकाल्न सोमबारदेखि सुरु गरेको छ । 
अठारौँ सार्क शिखर सम्मेलनका अवसरमा निकालिएको सिक्कामा अगाडि सार्कको प्रतीक चिह्न र पछाडि गौतम बुद्ध र मायादेवीको चित्र अङ्कित हुनेछ ।
बैंकका प्रवक्ता मनमोहन श्रेष्ठका अनुसार ५०० वटा सिक्का नमुनाका लागि छाप्ने काम सोमबारदेखि सुरु भएको छ । तीन हजारवटा चाँदीको सिक्का छापिने छ । सो सिक्का २५ ग्रामको हुनेछ । प्रतिसिक्का दुई हजार रुपैयाँ मूल्य बराबरको हुनेछ । बाँकी सिक्का भने सार्क शिखर सम्मेलन सकिएपछि छापिने श्रेष्ठले बताए ।
लेखकको बारेमा
प्रतिक्रिया