काठमाडौं । नेपाल स्टक एक्सचेन्ज (नेप्से) परिसुचकमा विहिबार सामान्य गिरावट देखिएको छ । कारोबार सुरुभएपछि उकालो लागेको परिसुचक बजार बन्द हुने बेलासम्म १.४१ अंकले घटेर ९८६.६६ अंकमा सिमित भएको छ ।
विहिबार ६५ करोड रुपैयाँ बराबरको सेयर कारोबार भएको छ । राष्ट्रिय बाणिज्य बैंकले बेचेको नेपाल इन्भेष्टमेन्ट बैंकको संस्थापक सेयर नामसारीको क्रममा रहेकाले कारोबार रकम बढेको हो ।
यसैगरी मर्जरको हल्लाका कारण प्रभु र ग्राण्ड बैंकको कारोबार पनि बृद्वी भएको छ । बैंक तथा वित्तीय संस्थाले दोस्रो त्रैमासिकसम्मको वित्तीय विवरण धमाधम प्रकाशित गरेकाले पनि यी कम्पनीहरुको सेयर बृद्वी भइरहेको छ ।
प्रतिक्रिया