काठमाडौं । सेन्चुरी बैंकका लगानीकर्ताले साढे ९ प्रतिशत प्रतिफल पाउने भएका छन् । बैंक संचालक समितिले गत आर्थिक वर्षको नाफाबाट ६ प्रतिशत बोनस सेयर र ३.४७ प्रतिशत नगद लाभांश दिने प्रस्ताव गरेको छ ।
बैंकको यो लाभांस प्रस्तावलाई नेपाल राष्ट्र बैंकले स्विकती दिइसकेको र कम्पनीको आगामी साधारणसभाबाट पारित भएपछि वितरण हुनेछ । बैंकले फागुन २८ गते साधारणसभाको मिति तय गरेको छ । यसैगरी बैंकले ४ कित्ता बराबर १ कित्ताका दरले हकप्रद सेयर निष्काशनका लागि पनि प्रस्ताव साधारणसभामा लैजादैछ ।
बैंकले हाल ३१ वटा शाखा, २५ वटा एटिएम काउन्टर, ९ वटा शाखारहित बैंकिङ्ग र एउटा एक्सटेन्सन् काउन्टरबाट बैकिङ्ग सेवा प्रदान गर्दै आइरहेको छ ।
आव २०७१\७२ को पुससम्म बैंकले २३ अर्व ३८ करोड निक्षेप संकलन तथा १९ अर्व ७६ करोड कर्जा लगानी गरी १५ करोड ६९ लाख सञ्चालन नाफा गरेको छ ।
लेखकको बारेमा
प्रतिक्रिया