काठमाडौं । नेपाल टेलिकमले सातदिनका लागि सवै मोवाइल सेवामा छुट दिने भएको छ । ११औँ वार्षिकोत्सवका अवसरमा कम्पनीले माघ २२ देखि २९ गतेसम्मका लागि छुट दिने घोषणा गरेको हो ।

टेलिकमले सात दिनका लागि जिएसएम तथा स्काइ पोस्टपेड मोबाइलबाट फोन गर्दा प्रतिमिनेट ८९ पैसा लाग्ने छ । त्यस्तै प्रिपेड मोबाइलका ग्राहकहरुले प्रतिमिनेट एक रुपैयाँ ३३ पैसामा कल गर्न सक्ने कम्पनीले जानकारी दिएको छ ।
त्यस्तै नयाँ पोस्टपेड सिम लिँदा एक जिबी डाटा फ्रि दिने भएको छ ।

सो सेवा डाटा तीन महिनामा सकिसक्नुपर्ने छ । त्यस्तै दुई सय एमबी डेटा फ्रि दिने समेत कम्पनीले जनाएको छ । यो सुविधा जिएसएम र स्काइ दुवैमा लागू हुन्छ ।
कम्पनीले महिला स्वास्थकर्मीलाई प्रत्येक १० मिनेटको एक रुपैयाँ बोनस स्वरूप दिने पनि जनाएको छ ।

यसैगरी टेलिकमले वाइम्याक्स लिने ग्राहकलाई ४० प्रतिशतसम्म छुट र विदेश जादा फोन गर्न मिल्ने नेपाल टेलिकम एप्स पनि सार्वजनिक गरेको छ ।

लेखकको बारेमा

अर्थटुडे