काठमाडौं । नेपाल स्टक एक्सचेन्ज (नेप्से) साताको पहिलो दिन ७.७६ अंकले घटेर ९७०.६८ अंकमा अडिएको छ । गत साता नेप्सेले चार शेयर दलाल कम्पनीहरुलाई कारोबार गर्न बन्देज लगाएको थियो ।

त्यसको प्रत्यक्ष असर आइतबार सेयर बजार परिसुचकमा परेको हो । कारोबार रकम अघिल्लो साताको अन्तिम दिनको तुलनामा झण्डै आधा रकमले घटेर १० करोड ९८ लाख रुपैयाँको शेयर मात्र किनवेच भएको छ ।

राजनीतिक दलहरुबीच शनिबार भएको निर्णायक वार्ता भांडिएकोले पनि शेयर बजारमा निराशा छाएको विष्लेषकहरुको दावी छ । त्यसैगरी दैनिक धेरै कारोबार गर्ने चार शेयर दलाल कम्पनीले नेप्सेको छानविनको कारण कारोबार गर्न नपाएपछि कारोबार रकम ह्वात्तै घटेको हो ।

यस दिन फाइनान्स र अन्य समूहका परिसुचक बाहेक सम्पुर्ण परिसुचक घटेको छ । सवैभन्दा बढी गुमाउनेमा विमाका लगानीकर्ताहरु रहेका छन् यसदिन विमा समूहको परिसुचक ७५.०८ अंकले घेको । आइतबार यौटा कम्पनीले पनि एक करोड भन्दा माथिको कारोबार गरेका छैनन् ।

मल्टिप्रपोज र रिलाईन्स लोटस फाईनान्सको शेयर मूल्य झण्डै १० प्रतिशतले बढ्यो भने कन्काई र एपेक्स बिकास बैंकको शेयर मूल्य पाँच प्रतिशत हाराहारीमा घट्यो ।

लेखकको बारेमा

अर्थटुडे