काठमाडौं । नेपाल राष्ट्र बैंकका नवनियुक्त गभर्नर डा.चिरञ्जीवी नेपालले शपथ ग्रहण गरेका छन् । आइतबार सर्वोच्च अदालतका कायममुकायम प्रधानन्यायाधीश कल्याण श्रेष्ठले गभर्नर डा.नेपाललाई एक समारोहकाविच शपथ ग्रहण गराएका हुन् ।
शपथ ग्रहण समारोहमा अर्थ मन्त्रालयका सचिव सुमनप्रसाद शर्मा र सर्वाेच्च अदालतका न्यायाधीशहरुको उपस्थिति थियो । मन्त्रिपरिषद्को बैठकले विहिबार नेपाललाई गर्भनरमा नियुक्त गरेको थियो । नेपाल प्रधानमन्त्रीका आर्थिक सल्लाहकार पनि हुन् ।
पद तथा गोपनियताको सपथ लिँदै नव नियुक्त गर्भनर नेपालले वित्तीय क्षेत्रलाई उदाहरणीय बनाउँदै आर्थिक उपलब्धि परिणाममुखी बनाउने प्रतिबद्धता समेत जनाएका छन् ।
लेखकको बारेमा
प्रतिक्रिया