काठमाडौं । मन्त्रीको हैसियतमा पाउनेभन्दा बढी आर्थिक सुविधा लिएको पाइएपछि ५० जना पूर्वमन्त्रीहरु फन्दामा पर्ने भएका छन् । प्रधानमन्त्री तथा मन्त्रिपरिषद् कार्यालय पाउनेभन्दा बढी सुविधा लिएका मन्त्रीहरुको घर ठेगाना खोज्न थालेको छ ।

त्यस्तै २०५६\५७ सम्म मन्त्री बनेका पूर्वमन्त्रीहरुले दशैं पेश्कीस्वरुप लिएको रकम महालेखा परीक्षकको कार्यालयले प्रधानमन्त्री तथा मन्त्रिपरिषद कार्यालयको नामममा बेरुजु देखाएपछि असुल उपरका लागि कार्यालयले प्रक्रिया सुरु गरेको हो ।

केही पूर्वमन्त्रीले कार्यालयमा पेश गरेको घरको टेलिफोन नम्बर परिवर्तन भएकोले उनीहरुलाई लिखित तथा मौखिक रुपमा जानकारी गराउन प्रधानमन्त्री कार्यालयलाई समस्या परेको छ ।

सबै मन्त्रीले गरी पाँच लाख १९ हजार तीन सय रुपैयाँ तिर्न बाँकी रहेकोे महालेखाको प्रतिवेदनमा उल्लेख छ । यसरी सबैभन्दा धेरै पैसा फिर्ता गर्नुपर्न मन्त्रीहरुको सूचीमा रामचन्द्र पौडेल १८ हजार, चिरञ्जीवी वाग्ले, खुमबहादुर खड्का, सुरेन्द्र चौधरी, तारणीदत्त चटौत, आमोदप्रसाद उपाध्याय, जयप्रकाश गुप्तासँग १७ हजार रहेको छ ।

त्यस्तै, कमला पन्त, शिवराज जोशी, रामबहादुर गुरुङ, सुरेन्द्र हमाल, दिलेन्द्रप्रसाद वडु, नरेन्द्रविक्रम नेम्वाङसँग १६ हजारका दरले रकम उठाउनुपर्ने छ ।
राधाकृष्ण मैनाली, त्रिलोचन ढकाल, केशवलाल श्रेष्ठ, राजेन्द्र श्रेष्ठ, हेमराज राई, मिना श्रेष्ठ, सुरेन्द्र चौधरीसँग आठ हजार पाँच सयका दरले उठाउनुपर्ने छ भने मिना पाण्डे, राजदेव गोइत, जगतबहादुर बोगटीसँग आठ हजारको दरले रकम उठाउनुपर्ने छ ।

रामचन्द्र अधिकारी, रामजनम चौधरी, मोहम्मद आलम, देवबहादुर पौडेल, यज्ञराज न्यौपाने, झलकनाथ वाग्लेसँग सात हजार तीन सय रहेको प्रतिवेदनमा उल्लेख छ ।

लेखकको बारेमा

अर्थटुडे