काठमाडौं । शनिबार गएको भुकम्पमा परी ज्यान गुमाउनेको संख्या देशभर ३ हजार ८ सय १५ जना पुगेको छ । गृह मन्त्रालयले जारी गरेको पछिल्लो प्रेस विज्ञप्तीका अनुसार घाइतेको संख्या ७ हजार ४६ जना पुगेको छ । गृहमन्त्रालयका प्रवक्ता लक्ष्मीप्रसाद ढकालले देशभर उद्धार कार्य जारी रहेकाले मृतक र घाईतेको संख्या अझै बढ्ने बताए ।

काठमाडौं सहित विभिन्न ११ जिल्लामा प्रत्यक्ष प्रभाव पार्ने गरी गएको भुकम्पमा ज्यान गुमाउनेको संख्या अझै बढ्ने मन्त्रालयले जनाएको छ । भुकम्प गएको २ दिनसम्म पनि अझै साना साना धक्का महशुस भइरहेकाले सर्बसाधारणमा त्रास छाएको छ । सर्वसाधारणहरु अझै घर छोडेर खुल्ला पालमुनी बसिरहेका छन् भने धेरै सर्वसाधारणहरु राजधानी छोड्ने तरखरमा छन् ।

सरकारले सामान्य दैनिकीमा फर्कन सर्वसाधारणलाई आग्रह गरेपछि अझै ठुलो भुकम्प जाने हल्लाका कारण सर्बसाधारण घर फर्कन सकेका छैनन् ।

शनिबार विहान ११ बजेर ५६ मिनेटमा ७.८ रिक्टेर स्केलको भूकम्प गएको थियो । त्यसपछि पनि पटक पटक भूकम्पको धक्का महसुस भएपछि अधिकांश मानिस घर बाहिर बसेका छन् । टुँडिखेल, संविधानसभा भवन लगायत खुला ठाउँहरुमा पनि मानिसहरु पाल टाँगेर बसेका छन् ।

गृहमन्त्रालयले पठाएको मृतक र घाईतेको विवरण 

उपत्यका : मृतक: १३१७, घाइते: ४२५२
काठमाण्डौ – ९२०
ललितपुर – १५७
भक्तपुर -२४०

लेखकको बारेमा

अर्थटुडे