काठमाडौं । मकवानपुरको चित्लाङमा मुख्य कार्यालय रहेको महिला सहयात्रा माइक्रोफाइनान्सको तीन करोड ३० लाख रुपैयाँको तीन लाख तीस हजार कित्ता साधारण सेयर मंगलबारदेखि बिक्री खुल्ला भएको छ ।
यस कम्पनीको शेयरका लागी न्युनतम् ५० कित्ता र अधिकतम् २००० हजार कित्तासम्मका लागि आवेदन दिन सकिने कम्पनीले जनाएको छ ।
सस्थाको धितोपत्र निष्काशन तथा विक्री प्रबन्धक नबिल इन्भेष्टमेन्ट हो । रेटिङ गर्ने संस्था इक्राले यस लघुवित्तलाई ४ रेटिङ प्रदान गरेको छ ।
संस्थापक शेयर स्वामित्वतर्फ क वर्गका इजाजत पत्र प्राप्त संस्थाहरुमा प्राइम कर्मसशियल बैंकको १८ दशमलव १८ प्रतिशत, नबिल बैंकको ५ दशमलव १९ प्रतिशत शेयर स्वामित्व रहेको छ भने अन्य इजाजत प्राप्त संस्थाहरुमा काठमाडौं फाइनान्सको ५.१९ प्रतिशत, सिभिल मर्चेन्ट वित्तिय संस्थाको ५.१९ प्रतिशत र अन्य बाँकी संस्थापक सेयरसेयरधनीको रहेको छ ।
साधारण सेयर जारी भएपछि कम्पनीको पुँजी ११ करोड रुपैयाँ पुग्ने कम्पनीले बताएको छ ।
लेखकको बारेमा
प्रतिक्रिया