काठमाडौं । संविधान बन्ने पक्कापक्की भएपनि लगानीकर्ता उत्साहित हुँदा नेपाल स्टक एक्सचेन्ज (नेप्से) परिसूचक दोहोरो अंकले बढ्ने क्रमले मंगलबार पनि निरन्तरता पाएको छ । सोमबार १० अंकले बढेको नेप्से मंगलबार पनि १२ अंकले बढेर फेरी १२ सय भन्दा माथी पुगेको छ ।
कारोबार सुरु हुँदा ११९४.११ रहेको नेप्से ११.७३ अंकले बढेर बन्द हुँदा १२०५.८४ अंकमा पुगेको छ । कारोबार सुरु हुँदादेखि नै बढेको नेप्से विचमा थोरै घटेर अन्तिम समयमा पुनः उकालो लागेको थियो । मंगलबार बाणिज्य बैंक, विकास बैंक, बिमा तथा जलविद्युत् कम्पनीहरूको सेयर मूल्य बढेपछि समग्र परिसूचकमा सकारात्मक प्रभाव परेको हो ।
समूहगत परिसूचकमध्ये बैंकिङ १६.७२, जलविद्युत् २९.६३, बिमा ४३.७४, अंकले बढेको छ ।
मंगलबार १० लाख ७५ हजार कित्ता सेयर ६३ करोड ९२ लाख ३८ हजार रुपैयाँमा किनबेच भयो ।
प्रतिक्रिया