काठमाडौं । चीनसँग इन्धनको व्यापारिक सम्झौताको लागि नेपाली टोली शुक्रबार चीनको जाने भएको छ । नेपाल आयल निगम र बाणिज्य मन्त्रालयको संयुक्त टोली चीन जाने भनिएपनि हवाई टिकट नमिलेकोले भोली जाने भएका हुन् ।
टोलीले चाइना नेशनल पेट्रोलियम कर्पोरेशनसँग इन्धन खरिद सम्बन्धी ब्यापारिक सम्झौता गर्नेछ । सम्झौतापछि नेपालले चीनसँग व्यापारिक रुपमा पहिलोपटक इन्धन खरिद गर्नेछ । यसअघि चीनसँग इन्धन खरिद गर्नेबारे समझदारीपत्र (एमओयु) मा हस्ताक्षर भइसकेको छ ।
व्यापारिक सम्झौतामा नेपालले चीनसँग खरिद गर्ने इन्धनको मूल्य परिमाण, गुणस्तर लगायत सबै विषय समावेश हुनेछन् । चीन नेपाललाई भारतकै मूल्यमा तेल दिन सकारात्मक रहेको बाणिज्य तथा आपुर्ति मन्त्री गणेशमान पुनले जानकारी दिएका छन् ।
नेपालमा हुने वार्षिक खपतको ३३ प्रतिशत इन्धन चीनबाट ल्याउने आयल निगमको तयारी छ । चीनले पहिलो चरणमा अनुदान स्वरुप १३ लाख लिटर पेट्रोल नेपाललाई दिएको थियो ।
लेखकको बारेमा
प्रतिक्रिया