काठमाडौं । जलविद्युत लगानी तथा विकास कम्पनीको सेयर प्रमाणपत्र महिनादिनभित्र नै वितरण हुने भएको छ ।
कम्पनीले सर्वसाधारणका लागि गत कात्तिक १२ देखि २९ गतेसम्म १ अर्ब ९० करोड रुपैयाँ बराबरका साधारण सेयर निष्काशन गरेको थियो । प्रमाणपत्र छापिइरहेको र महिनादिनभित्र सेयरधनीले आफ्नो प्रमाणपत्र पाउने कम्पनीले जनाएको छ ।
पाँच सय कित्तासम्म लगानी गर्ने एक लाख ९५ हजार २०३ जना साना लगानीकर्तालाई ११.४० प्रतिशतले हुने ७४ लाख ५० हजार ६०३ कित्ता सेयर वितरण गरिएको छ ।
कम्पनीको सेयरमा ३ लाखभन्दा बढी सर्वसाधारणले लगानी गरेका थिए । कम्पनीले सेयर निष्काशन गरेको ६९औं दिनमा सेयरको बाँडफाँड गरेको थियो ।
लेखकको बारेमा
प्रतिक्रिया