काठमाडौं । जलविद्युत् लगानी तथा विकास कम्पनीको सेयर प्रमाणपत्र सेयर निष्कासन भएको ४ महिनापछि सोमबारबाट सुरु भएको छ । कम्पनीले सेयर निस्कासन गरेको दुई महिनापछि पुस २९ मा सेयर बाँडफाँड गरेको थियो भने त्यसको दुई महिनापछि मात्र सेयर प्रमाणपत्र वितरण सुरु गरेको हो ।

कम्पनीको सेयर निष्कासन तथा विक्रि प्रबन्धक रहेको नागरिक लगानीकोषका अनुसार सेयर प्रमाणपत्र वितरण भइसकेपछि एक डेढ महिनामै सेयर सूचीकृत हुने जनाएको छ । सेयरधनीले प्रमाणपत्र लिन वाँडफाँडपत्रसँगै नागरिकताको प्रतिलिपी पनि लैजानु पर्छ । सेयर प्रमाणपत्र लिन आवेदकले आवेदन केन्द्रमै जानुपर्ने छ ।
प्रमाणपत्र लिइसकेपछि त्यसलाई आफ्नो डिम्याट खाता भएको निक्षेप सदस्यकोमा गई डिम्याट गराउनुपर्नेछ । तोकिएको ढाँचामा ‘डिपोजिट पेपर’ भरी सेयर प्रमाणपत्र निक्षेप सदस्यकोमा छोड्नुपर्छ। निक्षेप सदस्यले कागजी प्रमाणपत्रलाई अभौतिक रुपमा लगानीकर्ताको डिम्याट खातामा जम्मा गर्दछ ।

लेखकको बारेमा

अर्थटुडे