महासंघको अध्यक्षमा ओमदेवी मल्ल, महिला अध्यक्षकाे पहिलो रेकर्ड

काठमाडौ । राष्ट्रिय सहकारी महासंघको अध्यक्षमा ओमदेवी मल्ल सर्वसम्मत रूपमा निर्वाचित भएकी छिन् । पुस २७ र २८ गते सम्पन्न ३१ औं बार्षिक साधारण सभाले मल्लकाे अध्यक्षतामा संचालक समिति निर्विरोध निर्वाचित गरेको हो ।

मल्ल राष्ट्रिय सहकारी महासंघको तीन दशकको इतिहासमा पहिलो पटक महिला अध्यक्ष निर्वाचित भएकी हुन् । यसअघि वरिष्ठ उपाध्यक्ष रहेकी उनी सन् २०१७ देखि २०२२ सम्म अन्तर्राष्ट्रिय सहकारी महासंघ (आइसीए) को ग्लोबल बोर्ड सदस्य समेत रहेकी थिइन् । यस्तै संविधानसभा सदस्य समेत रहेकी उनले सहकारी अभियानमा २५ वर्षभन्दा बढी समय विताइसकेकी छिन् ।

शनिवार अध्यक्षको कार्यभार सम्हाल्दै मल्लले सहकारी अभियानको सुदृढीकरणका लागि सबैसँग सहकार्य गरेर अगाडि बढ्ने प्रतिबद्धता व्यक्त गरिन् ।

त्यस्तै महासंघको २५ सदस्य संचालक समिति र तीन सदस्य लेखा सुपरिवेक्षण समितिका पदहरुमा निर्विरोध भएको छ । त्यसैगरी महासंघको वरिष्ठ उपाध्यक्षमा रमेश प्रसाद पोखरेल चयन भएका छन् । उनी यस अघि उपाध्यक्ष थिए। अन्य तीन उपाध्यक्षहरुमा खेमबहादुर पाठक, डि.बि. बस्नेत र इन्दिरा पन्त निर्विरोध चयन भएका छन् । लेखा सुपरिवेक्षण समितिको संयोजकमा भिम तुलाचन निर्वाचित भएका छन् भने सदस्यहरुमा अमरनाथ न्यौपाने र हेमकुमारी अधिकारी निर्विरोध निर्वाचित भएका छन् ।

त्यस्तै संचालकहरुमा टेकप्रसाद चौलागाई, हुमाकुमारी जिसी(अन्जु), बद्रीप्रसाद लम्साल, काशीचन्द्र बराल, परितोष पौड्याल, हरिहरनाथ योगी, माधवप्रसाद जोशी, शम्भुप्रसाद, छत्रप्रसाद रिमाल, पार्वती न्यौपाने, टिका न्यौपाने, नथुनी यादव, प्रेमप्रसाद सुवेदी जैसी, सुमन नेपाल, होमनाथ जैसी, एकता शाह, योगमाया सुवेदी, शारदा दहाल, कमला कुमारी सुवेदी पौडेल चयन भएको निर्वाचन समितिका प्रमुख निर्वाचन अधिकृत हिमादेवी बस्नेतले घोषणा गरेकी थिइन् ।

सम्बन्धीत समाचारहरु

• बैंकहरुले निक्षेप तान्नका लागि व्याजदर बढाउदा सहकारीमा समस्यामा आएको होः ओमदेवी मल्ल

• सहकारी क्षेत्रकी आइरन लेडी ओमदेवी

• पहिलोपटक सहकारीलाई मानपदवी, सुप्रवल जनसेवा श्री (तृतीय) बडाल र मल्ललाई