काठमाडौं। नेपाल बैंकर्स संघले विहिबार अर्थमन्त्री डा.रामरशरण महतलाई भेटी
सरकारलाई चारलाख भन्दा माथिमा मात्र आयकर लगाउनुपर्ने लगायतका २४ बुदे सुझाव दिएको छ । असार १५ गते बजेट ल्याउने तयारी गरिरहेको सरकारलाई आगामी बजेटमा आफ्ना मागहरु प्रयोग गर्नका लागि बैंकर्स संघले सो सुझाव दिएको हो । संघले एक्लो ब्यक्तिका लागि चार लाख र विवाहितका लागि पाँच लाखसम्मको आम्दानीमा आयकर नलगाउन सुझाव दिएको हो ।

सरकारले २५ लाख रुपैयाँभन्दा वढीको आम्दानीमा ४० प्रतिशत कर लगाउँदै आएकोमा त्यसलाई पूर्ण रुपमा खारेज गर्नसमेत सरकारलाई सुझाव दिएको छ ।
संघले सुझावमा भनेको छ बैंक तथा वित्तिय संस्थाको करयोग्य आयमा २० प्रतिशतले मात्र कर लगाउनुपर्ने सुझाव दिएको छ । अहिले करयोग्य आयमा सरकारले ३० प्रतिशत का दरले कर लगाइरहेको छ ।

त्यसैगरी संघले बैकिङ क्षेत्रले समग्र अर्थतन्त्रमा पुर्‍याएको कदरस्वरुप कर छुटका सुविधा तथा सहुलियत दिन माग गरेको समेत बताएको छ। संघले प्रवर्द्धन खर्चको छुट सीमा बढाउन र पुँजीगत लाभ कर सीमा बढाउन समेत सरकारसँग माग गरेको छ ।

लेखकको बारेमा

अर्थटुडे