काठमाडौं । केही दिनदेखि लगातार ओरालो लागेको सेयर बजार परिसूचक (नेप्से) बुधबार फेरी उकालो लागेको छ । नेपाल राष्ट्र बैंकले गत बुधबार जारी गरेको बैंक तथा वित्तीय संस्थाको लगानी निर्देशनबारे मंगलबार साझ विज्ञप्ती जारी गरी स्पष्ट पारेपछि बजारमा सकारात्मक असर देखिएको हो ।

बुधबार कारोबार सुरु भएदेखि नै बजार लगातार बढेपछि दुई पटक सर्किट व्रेकर नै लगाउनुपर्ने अवस्था भयो । बुधबार नेप्से करिब ३९ अंकले बढेर ९६०.४३ अंकमा पुगेको छ ।

बुधबार बजारमा होटल बाहेक सबै परिसुचकहरु बढेका छन् भने कारोबार भएका अधिकांश कम्पनीहरुको सेयर पनि बढेको छ । बैंकिङ ३६.६६, विकास बैंक १७.९९, हाइड्रोपावर १७८.३५, फाइनान्स ११.८४, इस्योरेन्स २४८.९७, उत्पादनमुलक २४.०३ र अन्य कम्पनीको परिसुचक ७.०५ अंकले बढेको छ । बुधबार होटल परिसुचक मात्र २.४९ अंकले घटेको छ ।

बजारमा सुधार आएपछि कारोबार रकम पनि बढेको छ । बुधबार १ सय ४० कम्पनीको ६१ करोड ७४ लाख रुपैयाँ बराबरको १३ लाख २१ हजार कित्ता सेयर किनबेच भएको छ ।

राष्ट्र बैंकले भन्यो, हाम्रो निर्देशनका कारण सेयर बजारमा परिवर्तन आएको होइन

लेखकको बारेमा

अर्थटुडे