काठमाडौं । नेपाल राष्ट्र बैंकले ग्राण्ड बैंकलाई सिघ्र सुधारात्मक कारवाही गरेको छ । खराव ऋण बढ्दै गएर बैंकको घाटा उच्च भएपछि बैंकलाई कारवाही गरेको हो । कारवाहीपछि बैंकले नयाँ कर्जा लगानी गर्न, शाखा खोल्न, लाभांस बाड्न र अघिल्लो वर्षको निक्षेपभन्दा ५ प्रतिशतभन्दा बढी निक्षेप संकलन गर्न पाउदैन ।

बैंक आर्थिक वर्ष २०७० ७१ मा १ अर्व ६० करोड रुपैयाँ घाटामा गएको छ । बैंकले प्रवाह गरेको धेरै ऋण नउठेपछि जोखिम वापत छुट्याउनु पर्दा बैंक घाटामा गएको हो ।

बैंकको खराव कर्जा करिव २० प्रतिशत छ ।

केन्द्रीय बैंकले ग्राण्डलाई डुबेको ऋण उठाउन केन्द्रीत हुन निर्देशन दिएको छ ।
बैंकमा उच्च घाटा भएपछि केन्द्रीय बैंकले ग्राण्डलाई लिखित स्पष्टिकरण सोधेको थियो । स्पष्टिकरणको जवाफ पठाउदै बैंकका प्रमुख कार्यकारी अधिकृत पशुराम कुवँरले बैंकलाई सुधार गर्ने प्रतिवद्धता व्यक्त गरेका थिए ।

लेखकको बारेमा

अर्थटुडे