नेपाल विद्युत प्राधिकरणले दुई जलविद्युत आयोजनका विद्युत खरिद सम्झौता (पिपिए) खारेज गरेको छ । प्राधिकरण संचालक समितिको बैठकले बैष्णोदेवी जलविद्युत कम्पनी प्रवद्र्धक रहेको लोबर सुनकोशी तेस्रो र अन्नपूर्ण ग्रुप प्राली प्रवद्र्धक रहेको मादी —१ जलविद्युत आयोजनको पिपिए खारेज गरेको हो ।
तोकिएको समयमा उत्पादन सुरु नगरेको भन्दै प्राधिकरणले ति विद्युत आयोजनालाई कारवाही गरेको हो । लोबर सुनकोशी तेस्रको क्षमता ९.९ मेगावाट र मादी —१ जलविद्युत आयोजनको १० मेगावाट क्षमता रहेको छ ।
यसैगरी बैठकले २० मेगावाटको अपर म्याग्दी, १०.३ मेगावाटको दोर्दी — १ र ९५० किलोवाटको तौथली खोला जलविद्युत आयोजनाको भने पिपिए सम्झौता गर्ने निर्णय गरेको छ ।
लेखकको बारेमा
प्रतिक्रिया