काठमाडौं । नेकपा एमालेले पनि भारतीय कम्पनीसँग हुन लागेको माथिल्लो कर्णाली विद्युत विकास सम्झौताको विरोध गरेको छ । यसअघि बैद्य माओवादीले यसको विरोध गरेको थियो ।
नेकपा एमाले र बैद्य माओवादी पिडिएको विरोधमा भएपछि माथिल्लो कर्णाली जलविद्युत आयोजना प्रबद्र्धक भारतीय कम्पनी जिएमआरसँगको सम्झौता तोकिएको समयमा नहुने भएको छ ।
सम्झौता मंगलबारसम्म गर्ने भनिएको थियो । पिडिए सम्झौतासम्बन्धी मस्यौदामा लगानीबोर्डले बेइमान गरेको भन्दै एमालेले राष्ट्रिय हित विपरित पिडिए नगर्ने अडान लिएको हो ।
एमालेको सोमवार साँझ बसेको पदाधिकारी बैठकमा लगानी बोर्डले राष्ट्रिय हित विपरीतका शर्तहरु सहितको अर्को प्रस्ताव थपेको प्रमाण पेश भएपछि एमाले हच्किएको हो ।
भारतीय प्रधानमन्त्री नरेन्द्र मोदीको नेपाल भ्रमणका क्रममा ४५ दिनभित्र पीडीए गर्ने सहमति भए पनि एमालेले कतिपय बुादामा गम्भिर आपत्ति जनाएपछि रोकिएको हो ।
एमालेले मूल्य अभिवृद्धि करलगायत अन्य कर, सिाचाइ असर लगायतका विषयमा नेपालको राष्ट्रिय हित हुने ग्यारेन्टीपछि मात्र पीडीए गर्ने निर्णय लिएको छ ।
लेखकको बारेमा
प्रतिक्रिया