अर्थ मन्त्रालय, राष्ट्र बैंक, नेपाल धितोपत्र बोर्ड, नेपाल स्टक एक्सचेन्ज, इन्भेस्टर्स फोरम लगायतका सरोकारवाला निकायले लगानीकर्तालाई नआत्तिन आग्रह गरेपनि बजारमा कुनै सुधार आउन सकेको छैन । हल्लाको भरमा लगानीकर्ता चल्ने हुदा उच्च अंकले बजारमा उतारचढाव भइरहेको छ । जसले बजारलाई अस्थिरतातिर धकेलिरहेको छ । 

काठमाडौं । सूचिकृत कम्पनीहरुले आर्थिक वर्षको नाफाबाट लाभांस घोषणा गर्ने, नियामक निकायबाट स्विकृत गराउन, साधारणसभाबाट पारित भएपछि वितरण गर्ने सिजन हो यो । त्यसले असोज कात्तिकलाई सेयर बजार उकालो लाग्ने समयमा रुपमा लिइन्छ । तर यसवर्ष भने बजारले उल्टो प्रतिकृया देखाएको छ । बढ्ने समयमा बजार उल्टो घटिरहेको छ । सेयर बजारका विश्लेषक र विज्ञहरुले समेत यसलाई अनौठो रुपमा लिएका छन् ।

नेप्से परिसुचकसँगै यो साता कारोबार गर्ने कम्पनीको संख्या समेत घटेको छ भने कारोबार रकम भने सामान्य बढेको छ । गत साता १ सय ६७ कम्पनीको १ अर्ब ८० करोड १८ लाख ५३ हजार रुपैयाँ बराबरका ४५ लाख ३२ हजार ७ सय ४० कित्ता  सेयरहरु खरिद बिक्री भएकोमा यो साता १ सय ६० कम्पनीको १ अर्ब ८६ करोड ४७ लाख ७१ हजार रुपैयाँ बराबरका ४१ लाख ८६ हजार एक सय ६० कित्ता सेयरहरु खरिद बिक्री भएका छन् ।

यो साता कारोबार रकम र कारोबार संख्याको आधारमा कुमारी बैंक अग्रस्थानमा रहेको छ । बैंकको १ हजार २ सय ३५ पटकमा २६ करोड ५ लाख रुपैयाँ बराबरको कारोबार भएको छ । यसैगरी सेयर संख्याको आधारमा सबैभन्दा बढी नबिल ब्यालेन्स फण्डको सबैभन्दा बढी ५ लाख ८४ हजार कित्ता कारोबार भएको छ ।

 नेपाली कांग्रेसको नेतृत्वमा गठन भएको संयुक्त सरकार गठनसँगै बढ्न थालेको सेयर बजार बजेट, मौद्रिक नीतिका कारण उत्साहित रह्यो । जसका कारण साउन पहिलो साता ११ सय अंक नजिक पुगेको नेप्से नेपाल राष्ट्र बैंकको बैंकहरुको सेयरमा लगानी सम्बन्धी निर्देशनसँगै ओरालो लाग्न थालेको हो ।

अर्थ मन्त्रालय, राष्ट्र बैंक, नेपाल धितोपत्र बोर्ड, नेपाल स्टक एक्सचेन्ज, इन्भेस्टर्स फोरम लगायतका सरोकारवाला निकायले लगानीकर्तालाई नआत्तिन आग्रह गरेपनि बजारमा कुनै सुधार आउन सकेको छैन । हल्लाको भरमा लगानीकर्ता चल्ने हुदा उच्च अंकले बजारमा उतारचढाव भइरहेको छ । जसले बजारलाई अस्थिरतातिर धकेलिरहेको छ ।

बजारमा चल्ने गरेका अनावश्यक हल्लाका कारण सेयर बजार अस्थिर रहेको विश्लेषकहरु बताउछन् । केही व्यक्तिहरुले राष्ट बैंकको नीति निर्देशन, सम्पती शुद्धीकरण, अख्तियार, सिडिएससीको हल्ला चलाएर बजारमा त्रासको वातावरण सिर्जना गरेका छन् ।

यसले गर्दा बजार पुनः घट्ने त्रासमा बजारमा बिक्रीको चाप बढी रहेको र जसले गर्दा बजार ओरालो लागेको हो ।

लेखकको बारेमा

अर्थटुडे