काठमाडौं । माननीय अर्थमन्त्री डा. रामशरण महतले कर प्रशासनमा नक्कली भ्याट बिलिङ तथा ठूलो मात्रामा मिसम्याचको समस्यालाई तत्काल समाधान गर्नुपर्ने बताएका छन् । उनले जानाजान गरेको गल्तीलाई क्षमा दिन नहुने बताउदै गलत विवरण पेश गरेर राजस्व छल्नेलाई कडा कारबाही गर्न निर्देशन दिए ।

नेपालको कर प्रणाली पनि अन्तर्राष्टिय प्रणाली अनुसार हुनुपर्ने बताउँदै उनले भने, अर्थमन्त्रालय कर पुनरावलोकन आयोग गठन गर्ने तर्फ लागेको जानकारी दिए । सो कार्यक्रममा अर्थसचिव सुमन शर्माले राज्यले १६८ अर्ब राजस्व उठाउनुपर्ने लक्ष्य विभागले प्राप्ति गर्नुपर्ने  बताए ।

उनले करदातालाई कर तिर्नको लागि उत्प्रेरित, शिक्षित पार्ने र विभिन्न सम्भावनाहरु खोजी गर्न निर्देशन दिदै उनले भने,सकेसम्म बेरुजु कम गर्नुहोस् । सो गोष्ठीमा कर प्रणालीको मूल्यांकन, लेखा जोखा गर्ने, सवल दुर्वल पक्षहरुको समिक्षा गर्ने, नीति स्रोत, साधन, व्यवस्थापकीय संगठनको स्वरुप आदिको वारेमा छलफल हुनेछ । गोष्ठी मंगलबार सम्म चल्ने छ ।

लेखकको बारेमा

अर्थटुडे