काठमाडौं । तिहारलगत्तै सुधारको संकेत देखिएको सेयर बजार कारोबार सुरु भएको दोस्रो दिन पनि उकालो लागेको छ । सोमबार कारोबार सुरु भएदेखि नै उकालो लागेको सेयर बजार परिसुचक (नेप्से) कारोबार बन्द हुदासम्म ४.६८ अंकले बढेर ९३५.०१ अंकमा पुगेको छ ।

तिहारपछि बजार खुलेको पहिलो दिन आईतबार पनि सेयर बजार १.३४ अंकले बढेको थियो ।

सोमबार कारोबार भएका अधिकाशं कम्पनीहरुको सेयर मूल्य बढेपछि समग्र बजार परिसुचकमा असर गरेको हो । समूहगत परिसुचकहरुमा पनि विकास बैंक, हाइड्रोपावर र होडल बाहेकका परिसुचकहरु उकालो लागेका छन् ।

सोमबार १ सय २३ कम्पनीको ३३ करोड ६२ लाख रुपैयाँ बराबरको सेयर कारोबार भएको नेपाल स्टक एक्सचेन्जले जनाएको छ ।

लेखकको बारेमा

अर्थटुडे