काठमाडौं । अख्तियारले घुस लिदा लिदै शुक्रबार पक्राउ गरेको नायव सुव्वा हरिवंश कार्कीकी श्रीमतिले पोल खोलेपछि अर्का नायव सुव्वा सुरेश थपलिया पनि पक्राउ परेका छन् । आफ्नो श्रीमान् कार्की पक्राउ परेपछि श्रीमति लक्ष्मी लम्साल कार्कीले सुमन कार्किको पनि पोल अख्तियार सामु थपलियको पनि पोल खोलेकी थिईन् । भन्सारकै नायव सुव्वा रहेका थपलियाबाट अख्तियारको टोलीले ५१ लाख रुपैयाँ समेत बरामद गरेको छ ।
अख्तियारले कार्कीकी श्रीमति लक्ष्मीलाई पनि नियन्त्रणमा लिएर सोधपुछ गरेपछि लक्ष्मीले बाँकी ५१ लाख रुपैयाँ सुरेस सरको घरमा रहेको बताएकी थिईन् । सोही जानकारीको आधारमा अख्तियारले थपलियालाई बाँकी ५१ लाख रुपैयाँ सहित पक्राउ गरेको हो ।

सुन तस्करी काण्डका भारतीय अभियुक्तलाई छोड्ने योजनासहित चलेको घुसखोरीमा करिव ७२ लाख रुपैयाँ सहित ६ जना पक्राउ परेका छन् ।
अख्तियार टोलीले शुक्रवार साँझ नासु कार्कीसहित दुई भन्सार एजेन्ट र एक सवारीचालकलाई २१ लाख रुपैयाँ घूससहित पक्राउ गरेको थियो ।

थप केही व्यक्तिमाथि अनुसन्धान थालिएको अख्तियारले जनाएको छ । घूस लिने क्रममा प्रयोग भएको बा ६ च ७८७४ नम्बरको सरकारी स्कोर्पियो गाडी र एजेन्टहरुले प्रयोग गरेको बा १० च ४०७५ नम्बरको गाडी टोलीले बरामद गरेको थियो । सवारी चालक पुरुषोत्तम थापालाई पनि अख्तियारले हिरासतमा लिएको छ ।

लेखकको बारेमा

अर्थटुडे