काठमाडौं । साताको पहिलो दिन आइतबार बजार खुलेदेखि नै लगातार रुपमा घटीरहेको नेप्से परिसुचक बजार बन्द हुदा सम्म ९.५ अंकले घटेर ८९५ अंकमा आइपुगेको छ । यस दिन फाइनान्स समूहको परिसुचक २.०३ अंकले बढेको छ भने अन्य समूहगत परिसुचक घटेको छ ।

गत मंगलबार ८९७ अंकमा पुगेर नेप्से बढेको थियो । अहिले बैंकिङमा बढि चाप परेको छ, १९ प्रतिशत संस्थापक सेयर सर्वसाधरणमा परिणत गरेका बैंकहरुको सेयर बिक्री चाप बढि छ, यसले पनि बजार घटाएको सेयरबजार विश्लेषकहरुको दावी रहेको छ । यस दिन सवैभन्दा बढी गुमाउने कम्पनीमा साइन रेसुङगा डेभलपमेन्ट बैंक रहेको छ । कारोबारको आधारमा माछापुच्र्छे बैंक अग्रस्थनमा रह्यो ।
सो बैंकले एकैदिन २ करोड ५४ लाख रुपैयाँ बराबरको सेयर कारोबार गरेको छ । बजारमा कारोबारमा आएका एक सय २६ कम्पनी मध्ये २६ कम्पनीको मूल्य बढेको छ भने ९० कम्पनीको मूल्य घटेको छ । यसैगरी यस दिन २२ वटा बाणिज्य बैंकहरुको सेयर मुल्य घटेको छ ।

लेखकको बारेमा

अर्थटुडे