काठमाडौं । नेपाल बैंकले चालु आर्थिक वर्षको पहिलो त्रैमासमा २६ करोड ९१ लाख रुपैयाँ खुद नाफा कमाएको छ । बैंकले गत वर्षको यही अवधिमा २ करोड १४ लाख रुपैयाँ मात्र कमाएको थियो ।

पहिलो त्रैमासमा मात्र बैंकले ३२ करोड रुपैयाँ सम्भावित नोक्सानीका लागि गरेको प्रोभिजन राइट व्याक गरेको छ । सोही कारणले बैंकले यस त्रैमासमा धेरै रकम नाफा गर्न सफल भएको हो ।

बैंकले शनबार प्रकाशित गरेको अपरिष्कृत वित्तिय विवरण अनुसार गत वर्षको सोही अवधिमा बैंकले जम्मा ४ करोड रुपैयाँ मात्र राइट व्याक गरेको थियो । ६ अर्व ४६ करोड रुपैयाँ चुक्तापुँजी रहेको सो बैंकको एक वर्षमा ७ अर्व निक्षेप र ५ अर्व कर्जा बढेको छ ।

लेखकको बारेमा

अर्थटुडे